2008/03/27

فترة الخطوبة ..خليك على طبيعتك


فى حاجة غريبة انا لاحظتها مع اكتر من واحدة
البنت بتتكلم مع خطيبها بمنتهى الرقة
وتلاقى كل حروفها بتطير
ومفيش ولا حرف ابن ناس كدة زى اللى بنسمعه من اى حد
مش عارفة ليه ؟
كنت بتكلم مع واحدة صاحبتى وكان فى مشكلة كدة فى الشغل
وهى بقى قرفانة وبتزعق جامد
لااااااااااااا
مينفعششششششش
وايه القرف ده
وكلام من هذا القبيل
وفجأة الموبايل بيرن
احم احم .. عن اذنكم
والصوت وطىىىىى
ونزل الهدوء التاااااااام
واول مقفلت
هاا .. اخركم ايه ؟؟
واحدة تانى ... بتتكلم بطريقة غريبة جدا مع خطيبها
مش عارفة طيب ليه ؟؟
قال رقيقة قال
خليكى على طبيعتك
مش لازم تغيرى صوتك وانتىى بتتكلمى معاه
وياااه بقى لما يدخلوا مكان مثلا ياكلوا
لالالاياااااى
مبحبش الاكل ده
هو السندوتش كبير كدة ليه
وهى اصلا عنيها فيه

ده بالنسبة لبعض البنات
واكيد فى رجال كدة برده
الكل بيظهر احسن ما عنده فى فترة الخطوبة
مقولتش تزعقله .. مقولتش تاكل اكله
بس خليكى بطبيعتك
وخليك بطبيعتك
علشان متتصدموش بعد كدة

وبتبقى من اكبر المشاكل

يا خوفى :D

2008/03/13

الطيبون للطيبات

عاوزة اكتب حاجات كتير .. بس كسلانة
لسة هكتب على الكيبورد
،،،،،،،،،،،
قال تعالى في سورة النور{الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ}
صدق الله العظيم
........................
بسمع وبقرء الاية دى كتير
بس انهاردة وانا بسمعها .. اوقعت شىء ما فى نفسى
وكانت اللى بتقولها واحدة صاحبتى فى الكلية
فلاقيت الدموع فى عينى
طيبات .. طيبون
فين الطيبون والطيبات؟
فين الناس الجميلة دى
فين طيب العفاف ؟
انا بقيت بحس ان الجامعة مش مكان بنتعلم فيه خالص
قعدات رومانسية
الطيبون للطيبات !!
اعدت افكر كتير جدا ياترى عددهم اد ايه
وياترى الطيبون اكتر ولا الطيبات
وارجع للاية الكريمة وافكر فى حال الشباب والبنات دلوقتى
كمية فراغ مالك الشباب
كمية تفاهة وهيافة
هيئاً لمن يصبر ويعف نفسه

2008/02/29

شوية حاجات

ولله الحمد الترم الاول عدى على خير
نجحت الحمد لله
بس واحدة مقربة ليا جدا هتعيد السنة كلها
وناس كتير نتايجهم مش متظبط خالص
معرفش الترم ده ماله كدة
لعله خير
ــــــــــــــــــــــــــــــــــــــــــ
فى ناس بقيت حافظة ردودهم على المدونات
او على منتدى كل الطلبة
حافظ مش فاهم !!
او حافظة مش فاهمة !!
نفس الردود !!
جاهزة !!
خليك مقتنع باللي انت بتعمله تماما ....
ما ترددش كلام انت مش مقتنع بيه ...
قول مش عارف ...
هفكر في الموضوع ده ...
بلاش الردود الجاهزة ...
اخلع أقنعتك .

2008/02/19

تجبها كدة تجيلها كدة هى كدة !!

قلت اكتب قبل مالساعة تعدى 12 ويبقى اليوم خلص كدة .. لانى كل يوم اقول هكتب بكرة ومش بكتب برده مش
عارفة ليه كدة.
يمكن علشان مش عارفة اقول ايه .. والله مانا عارفة مالى كدة ... متغيرة كدة ... من سنة كنت فاكرة انى خلاص كدة
مش هتغير ولا هيحصلى اى حاجة جديدة او غريبة كدة .. ولكن لقتنى متغيرة دلوقتى كدة ...عاوزة احاسب نفسى
اشوف نفسى مقصرة فى حق مين كدة .. ومين واخد اكتر من حقه كدة ...
فى ناس فى حياتى وقريبين منى كدة ولكن للاسف شايفين نفسهم زيادة عن المفروض يكون وكدة
وفى ناس اعرفهم طيبين .. ولكن ليهم وشين.. واحد خفى وده بيظهر مع ناس معينة.. والوجه الطيب الملتزم
بيظهر مع الناس اللى زي كدة ...
اكيد انا مش معصومة من الخطأء برده كدة وعارفة ان فى ناس كتير هتقول كدة ... بس يمكن انا بحاسب نفسى كل فترة كدة .. ومش سايبة نففسى للتيار كدة ..
مش عارفة ليه باقية على الناس كدة .. يمكن علشان منهم واحدة قريبة منى اوى كدة ... بس انا بحاول اتاقلم
انها مش معايا خلاص كدة ... علشان هى بدات تشوف الحياة بمنظورها وكدة ... ربنا يرشدها الصواب ان كان كدة او كدة..
هم الناس ليه فى حياتى مرحليين كدة ... كل واحد بيكون مرحلة وبتعدى .. سوى كانت مدة معرفتنا قصيرة او طويلة اد كدة ...ياترى ده عيب يا نفسى ؟
ولا ده الطبيعى كدة ...
وفى شخصية معينة كدة ... غريبة ومضايقانى ... مش قادرة افهمها خالص .. وده مش مهم بالنسبالى اساسا ...
بس هقولكوا ليه بقول على الشخصية دى غريبة كدة ... بتتكلم عن حاجة وتعمل نقيضها ..تنصح حد وتعمل عكس كدة.. كنت فاكراها ملاحظتى انا بس فقولت اكبر دماغى كدة ... بس سمعت الكلام من اكتر من حد وكدة
بس مش عارفة ايه الحل كدة ؟ اكبر دماغى ولا اكلم حد قريب من الشخصية دى كدة ...
ملكيش دعوة يا نفسى .. مالك كدة .. شاغلة نفسك بعيرك ليه كدة .. متشوفى ايه اللى ناقصك انتى الاول كدة
اكيد فى حجات تشغلك اكبر من كدة !!
فترد نفسى وتقول .. مش بايدى انىافكر فى كل ده كدة ... بس هى الدنيا كدة .. تجبها كدة تجبها كدة هى كدة

2008/01/29

مهلا مهلا

علمت بأن أمورا ما تحتاج التعديل..

أقسمت بعظمة رب الكون لن أرضى عن الحق بديل,

و نزلت ميدان الحرب -أو الدنيا- أبغى التغيير,

فقابلت الذئب الأسود يختال بفجوره..

اشتعل الغيظ, و أقسمت بأن أفنى غروره..

أقدمت عليه فلم أفلح, انى وحدى

ناديت ناديت و من يسمع! وحدى وحدى

و الذئب يضحك مسرورا من فرقتنا,

و حمائم بيض تبكى تنوح يا لوعتنا,

و الذئب مازال يتقدم و يتقدم..

أغيثونى فمن يسمع و من يقدم,

و الشرر تطاير من عينيه فى كل مكان..

سحب تتكاثف على الدنيا و أظلمت الألوان..

مهلا مهلا, انى أسمع,

من بين عويل و بكاء صوت يلمع,

يلمع جرأة, يلمع اقدام..

صوت أعرفه و أعشقه و أنتظره,

صوت الفارس, فارس أحلام,

أحلام كنت أرددها و أحسبنى أهذى..

و الذئب مازال يتقدم و الفارس أيضا يتقدم,

ورآه الذئب و صرخ الذئب نفسى نفسى..

2008/01/24

البلوجة وحشانى جدا ... بس مش عايزة اكتب فيها .. على الرغم انى بكتب كتير جدا
تقريبا كل مااقعد على الكمبيوتر لازم افتح ورد واكتب
مش عارفة ليه زعلانة من المدونة او مخصماها
بس ان شاء الله ارجع اكتب فيها تانى
... اكتر حاجة شغلانى اليومين دول احداث غزة
ربنا ينصر الاسلام والمسلمين فى كل مكان

2007/12/10

Love is the key

a woman came out of her house and saw 3 old men with long white beards sitting in her front
yard. she did not recognize them. she said "i don't think i know you,but you must be hungry. please come in and have something to eat.""is the man of the house home?", they asked. "no", she replied. "he's out.""then we cannot come in", they replied. in the evening when her husband came home, she told him what had happened. "go tell them i am home and invite them in!"the woman went out and invited the men in. "we do not go into a house together," they replied. "why is that?" she asked. one of the old men explained:"his name is wealth," he said,pointing to one of his friends, and said pointing to another one, "he is success, and i am love." then he added,"now go in and discuss with your husband which one of us you want in your home."the woman went in and told her husband what was said. her husband was overjoyed. "how nice!!", he said. "since that is the case, let us invite wealth. let him come and fill our home with wealth!" his wife disagreed. "my dear, why don't we invite success?" their daughter-in-law was listening from the othercorner of the house.she jumped in with her own suggestion: "would it not be better to invite love? our home will then be filled with love!" "let us heed our daughter-in-law's advice," saidthe husband to his wife. "go out and invite love to be our guest." the woman went out and asked the 3 old men, "which one of you is love? please come in and be our guest." love got up and started walking toward the house. the other 2 also got up and followed him. surprised, the lady asked wealth and success: "i only invited love, why are you coming in?" the old men replied together: "if you had invited wealth or success, the other two of us would've stayed out, but since you invited love, wherever he goes, we go with him". wherever there is love, there is also wealth and success

2007/11/29

الصمت عند الألم

يقال أن الصمت أبلغ لغات الكلام ويقال أن الكلام من فضة.. والسكوت من ذهب...قيل الكثير عن الصمت......والكثير
منا يعانون من
الصمت...ولكن ماذا
تفعل إذا كان الصمت طبعك عند الحزن والغضب.. ؟؟ عندما يسيء إليك عزيز لديك بكلمة أو تصرف ...

فحليفك الصمت وتتجمد الحروف على شفتيك..وتتحجر الدموع في عينيك. ماذا تفعل ؟؟إذا تجاهل هذا الشخص ألمك .. وتناسى إساءته ..وتابع حياته معك وكأن شيئا لم يكن .. والصمت طبعك ..

والألم بداخلك يقتلك .. ماذا تفعل ؟؟إذا تجاهلك عزيز لديك والتفت إلى أولويات واهتمامات أخرى وابتعد عنك .. وأنت تركض خلفه .... ويستمر باهتماماته الأخرى ..فتتركه وتبقى مع ذكرياتك....

يعود إليك معاتباً متهماً إياك بالبرود والابتعاد عنه ....وأنت بصمتك لا تستطيع أن تقول له انه المخطئ وترد على اتهاماته ...

وتبقى مع ألمك الداخلي لا تستطيع حتى أن ترتشف قطرة الماء تشعر أن كل شيء فيك قد تجمد.. ماذا تفعل ؟؟

إذا تعلقت بإنسان وشعرت انك بوجوده معك قد ملكت العالم بيديك ..واختفى من حياتك , وهو يعرف انه بتصرفه سيقتلك قلقاً وخوفاً عليه

ويتركك تنهار وتنهار وتتحطم ...... ويعود إليك معاتباً متسائلاً لماذا تغيرت ؟؟وأنت تقف حائراً وتشعر أن جميع حروف

الهجاء قد اختفت من ذاكرتك ..... فالصمت طبعك .. ماذا تفعل ؟؟؟؟عندما تهرب بصمتك ممن أساء إليك لتبكي بمفردك وتبكي .... وعليك أن تظهر أمام الناس بأنك سعيد وقوي.. مرح متفائل..

ماذا تفعل ؟؟؟عندما تشعر بأن قلبك أصبح اضعف من أن يحتمل المزيد من الألم ..ممن حولك .. وأنت لا تعرف أن تتكلم عند الحزن والغضب

ولا تعرف أن تلوم أو تعاتب ... ماذا تفعل ؟؟عندما يحتويك احن قلب عليك ويبحث في عينيك

عن أسباب حزنك .. وأنت عاجز عن النطق وخائفا من أن تكتشف حدسه أسباب حزنك .... وأنت حريصا على أن لا تسيء أمام الناس

لمن كان سبب آلامك ... ماذا تفعل ؟؟هل جربتم يوما شيئاً كهذا !

هل أحسستم بألم الصمت !ماذا تفعلون إذا كنتم لا تستطيعون التغلب على نقطة ضعفكم التي قد تكون هي صمتكم عندما يساء إليكم