Showing posts with label تاج. Show all posts
Showing posts with label تاج. Show all posts

2007/05/03

تــــــــــــــاج 1

ده اخر تاج جالى ...واول تاج هرد عليه..وهرجع للباقين تانى
ان شاء الله..متقلقوش يا جماعة هرد والله..بس ده طويل
فقولت ابدء بيه ..ونخلص ..:)
التاج ده جالى من كش ملك

من هو:أحب شخص لقلبك فى الدنيا؟

اْمى


انسان مستعد تضحي بحياتك - ركز فى كلمة حياتك- علشانة؟


اسرتى كلها


اسم أول حب؟

وانا فى ابتدائى كنت بحب الولد اللى كان بيطلع معايا

من الاوئل ..كان شاطر بقى وكدة ..فحبيته ..بس مش فاكرة اسمه خالص

ولما فى سنة مطلعش من الاوائل كرهته فاجاْة :D


اسم اخر حب(حتى الان)؟


مممممممم...اكيد مش الولد بتاع ابتدائى


لما يحصل (........)هبقى اقولكم ان شاء الله


ما هو :اسم أجمل كتاب كتبه بشر قرأته ومحتفظ به حتى الان ؟


رياض الصالحين
وفقه السيرة



اسم كتاب-كتبه بشر برضة- انت متعلق بيه وبتقرأه كل فترة؟

صحابيات حول الرسول..ورواية لعبد الوهاب متطاوع اسمها خاتم فى اصبح القلب


اهم جهاز منزلى انت متعلق بيه او بتستخدمه كتير ؟


الكمبيوتر




شىء تحس بالراحة النفسية عندما تنظر اليه ؟

النيل..



مكان تحس فيه بالحنين الى شىء لا تدرى ماهو و ذكريات جارفة الى لاشىء ؟


الاوبرا


مكان تحس بالراحة عندما تدخله ؟


المساجد بشكل عام


...
اجمل مدينة زرتها داخل مصر ؟


مرسى مطروح



أجمل مكان طبيعي رأيته داخل مصر؟



شواطىء البحر الاحمر


نوع هاتفك المحمول؟


سامسونج



سرعة بروسيسور جهازك ؟


مش عارفة

حجم ذاكرة –هارد- جهازك ؟


80



المساحة التى تشغلها المواد الاسلامية على جهازك ؟

..مش عارفة بالظبط بس ماعتقدش ان فى حاجة على الجهاز غير اسلامية

نفس المساحة السالف ذكرها فى قلبك-الاجابة لنفسك عشان الرياء يا اخواننا ؟

يارب

أهم هدف انت واضعه لحياتك دلوقتى ؟

مشروع صحفية ان شاء الله

مواصفات فتاة –أو فتى للبنات- الأحلام بالنسبة لك ؟


متدين جدا..كريم. وياحبذا لو حافظ القران الكريم.شجاع لايخشى الا الله..مثقف والنقطة دى تهمنى جدا..

الشكل مش مهم بالنسبالى ..لانه هيروح بمرور الزمن وهتبقى الشخصية..بس يا حبذا برده يكون طويل

متفتح..وذو اخلاق عالية..صادق وامين ..ياخد بايدى دايما..عنده هدف وبيحاول تحقيقه...

..مهتم باسرته مش بيسمع لكلام الناس من غير تفكير ويصدق وخلاص..يعنى يكون عاقل

زيى كدةميتخيرش عنى ..(بالنسبة بقى للموضوع مرتبه والشبكة والحاجات دى بعدين :D)

نكون متقاربين فى المستوى الاجتماعى والمادى

هو انا فتى احلامى على بن ابى طالب وبحول اكون فاطمة علشان ربنا يرزقنى على

قولو امين



صف ما يأتى :شعورك لما بتسمع كلمة مصر؟

بحلم انها تكون مصر اللى بنحلم بيها

شعورك لما بتسمع كلام عن اليهود ؟

بحمد ربنا على نعمة الاسلام

وبتذكر اخوانى فى فلسطيين واتمنى الشهادة فى سبيل الله

شعورك لما بتشوف ظابط شرطة ؟

عادى.. واحيانا بشعر بجبروتهم وميتة قلبهم


...شعورك لما بتشوف الكناس العجوز فى الطريق ؟

عينى بتدمع

و..ببقى انفسى ابوس ايده واقوله هذان كفان يحبهم الله ورسوله



لون البطانية اللى بتتغطى بيها فى الشتاء ؟

حمرا



لون الجورب-الشراب- المفضل لديك ؟

اسود



احساسك اذا داست قدمك فى الطريق على مخلفات اخراج حيوان- *** ولا مؤاخذة-

تلقائى بحمد ربنا

بتعصب جدا..ايه الارف ده :(



افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف ؟

بتمنى ان يكون ليس المظهر فقط..بس بفرح بيهم ..



احساس يراودك فى اشارة مرور مغلقة بسبب مسئول كبير؟


بضحك عليهم والله..مش من فرحتى بيهم طبعا ..بس من استخفافى بيهم

..و..بتذكر يوم وقوفنا جميعا بين يد المولى عز وجل

ده غير تعليقات الشعب المصرى اللى دمه خفيف

مع جملة واحدة يرددها الجميع

حسبنا الله ونعم الوكيل
التاج همرره ل