2007/10/29

قلمى ..هل مازلت حيا؟


ربما فعلا قلمي استقال منذ مدة..واراح نفسه من جنون كتاباتي ربما ماعاد قادرا على المواصلة اكثر..تركني بنصف الطريق....قلمي

اين انت..واين ماضيك؟!!اين انت واين نفسك الطويل؟!!قلمي النابض الحي..الذابل الميت مابك اليوم لا تسعفني؟!!!هل ضيعت حروفك؟!!هل ضيعت امجادك؟!!اعلم اني السبب..اعلم اني جنيت عليك بجمودي منعت عنك ماتقتات عليه..منعت عنك ماتستمد منه طاقتك واحاكمك..!!ويحي لا اخجل من نفسي..!!قلمي العزيز..احملك اليوم من جديد..احسك منهك القوى خائرهااحس برغبتك..وضعفك لكن ضعفي اكيد اكبر!قلمي الحبيب..هجرت واياك انيسي على قول اصرار..قلمي..اراك شمسا لا تغيب لكن ارى ضعفك المعكوس على حروفك ..قلمي بالله عليك رد التحية..!!الا زلت حيا..؟!!اجل انت حي..اسمع صوت نبضك الخافت اسمع انينك الباهت ..تاوهات قلم محال على المعاش قلم احالته الايام ..ايام مغتربة..اعيتها الغربة والتيه..على المعاش..بالله عليك قلمي..اتسمعني..؟!!اناديك باعلى صوتي..احتاجك فعلاواكثر من اي وقت..قلمي !!اجبني بالله عليك...قلمي الحبيب..اعدك قلمي..بصبيحة عيد وامسية نشرب فيها نخب ماضيك..اعدك قلمي..اعدك ان تعود ذات زمن قريب او حتى بعيد ان تكتتب وتكتتب..الا يجف حبرك ابدا..هلا طاوعتني..!هيا بنا نصنع للحرف الف وطن هيا نطلب من الابداع اللجوء قلمي بالله عليك اجبني..اتسمعني..!!..؟ولا حياة لمن انادي
اسألكم الدعاء

2007/10/05

يا الله

سبحان الله الذي تقدس عن الأشياء ذاتة
ونزة عن مشابهة الأمثال صفاتة
واحد لا من قلة
وموجود لا من علةب
البر معروف و بالأحسان موصوف
معروف بلا غاية
و موصوف بلا نهاية
أول بلا ابتداء و أخر بلا انقضاء
ولا ينسب الية البنون
ولا تفنية تداول الأوقات
ولا توهنة السنون
كل المخلوقات قهر عظمتة و أمرة بين الكاف و النون
بذكرة أنس المخلصون والذي برؤيتة تقر العيون و بتوحيدة ابتهج الموحدون
هدى اهل طاعتة الى صراطة المستقيم
و اباح اهل محبتة جنات النعيم
وعلم عدد أنفاس مخلوقاتة بعلمة القديم
ويرى حركات أرجل النمل في جنح الليل البهيم
ويسبحة الطير في وكرة و يمجدة الوحش في كفرة
محيط بعمل العبد سرة و جهرة وكفيل للمؤمنين يتأيدة ونصرة
وتطمئن القلوب الوجلة بذكرة وكشف ضرة أحاط بكل شيء علما
وغفر ذنوب المؤمنين كرما وحلما
ومن اياتة ان تقوم السماء و الأرض بأمرة
ليس كمثلة شيء وهو السميع البصير
فسبحانك الهي لا نحصي ثناء عليك كما اثنيت انت على نفسك

2007/10/02

محظور

سلام عليكم ورحمة الله وبركاته
كل سنة وانتم طائعين ...ربنا يتقبل منا صيامنا .. ويعتق رقابنا من النار
انا كاتبة البوست ده لانى اتعرضت لموقفين بيدوروا حول نفس النقطة ...
كنت راكبة باص من الجيزة للعجوزة .. وكان قبل الفطار بكام ساعة والمواصلات صعبة .. ومفيش ولا تاكسى ولا باصات كتير ...
المهم ركبت الباص مفيش اماكن غير فى اخر الباص .. الكنبة الاخيرة دى ... رجعت علشان اقعد وبالفعل قعدت ..لاقيت جروب بنات داخلين 4 بنات.. داخليين يزعقوا .. ...اندهشت .. قولت اكيد فى حاجة حصلت لاقتهم بتزعقوا فى اى راجل قاعد .. مكنش فى اى حد
واقف اساسا لسة ... بيزعقوا حتى للسائق!!
منهم من ترتدى النقاب والاخريات اسدالات...ولحسن حظى مفيش مكان فاضى غير جنبى ...قعدوا جنبى ..الاربعة ..على وجهم غضب لا اتحمله .. بس للامانة خفت منهم ...قولت مش هفطر النهاردة ...قعدوا جنبى طلعوا مصاحف وقعدوا يقروا فيها ... وفاجاة كلهم سابوا المصاحف وفتحوا الشنط انا بدات اقلق ... طلعوا الاجرة ولاقيت واحدة اخدتهم منهم كلهم ورمتهالى على رجلى ..
اديلوا يا انسة ؟؟.. انا مش فاهمة حاجة ... قولتلها لا انتى بتدفعى وانتى نازلة .. وكانى شتمتها ...قالتلى انتى عايزنا نتعامل معاهم !!!
فانا فهمت القصة ... الجنس الاخر بنسبلهم محظور تماما ... قولتلها لا متتعمليش اديله الفلوس بس .. صرخت فى وشى .. مخلاص يا انسة ..قولتلها خلاص ياافندم :D
زادنى الفضول اعرف قصتهم ... حاولت اكلم احدهمن .. قالتلى وانتى مالك :D
راحت ادتلها فلوسهم وقولتلها مش هدفعلكم .. ادفعى انتى .. ده تعامل للضرورة.... اخدت الفلوس وراحت اول كرسى ... فيه بنت ادتها الفلوس على ماجت كان واحد قعد مكانها وكان يوم ما يعلم بيه الا ربنا...
قعدت تقول استغفروا الله ..استغفر الله ...واللى قعد جنبها زعقتله قوووم .. انا حسيت انى فى بيت الرعب ... يا بنتى فى ايه .. احنا بنات محمد.. احنا حور الجنة ... مبنتعملش مع الرجال .. وحاجات غريبة كدة ... وقفوا الباص ونزلوا ...
ولحسن حظى كان جه شارع نوال وكنت هنزل انا كمان ... دخلوا نفس الشارع .. بيبصولى بطريقة غريبة جدا ماعرفش ليه ...
راحت واحدة مقربالى.. لطفك يارب ... انتى بتعاملى مع رجال ...ايوة بتعامل عادى ...طالما ملتزمة بالحدود مفيش مشاكل ..
قالتلى استغفر الله استغفر الله ...قولتلها طيب عايزة اسمعكم .. قالتلى مش مستحية من ربنا ...ترتدى الخمار وتتعاملى مع الرجال
وسابونى ومشيوا .. واختلفت طرقنا ...
حتى الان كل ماافتكر الموقف ده اتخنق...الناس دى فاهمة الدين غلط ...
الاسلام مش كدة يا جماعة ... التعامل موجود عند اللزوم .. مفيش مشاكل ... ده مش التزام خالص ... ده اسمه ايه مش عارفة..
البنت الملتزمة .. بنات محمد بجد .. لازم بكون شخصيتهم موجودة ...تتعامل عادى .. طالما بتلتزم بغض البصر .. والتعامل بحدود .. وللضرورة .. فين المشكلة ؟
احنا عايزين نحبب الناس فى الاسلام يبقى مش بالشكل ده خالص ... انتى ملتزمة .. حافظة للقران ... ناجحة .. بتتعاملى بكل احترام ..
عايزين نهضة ولسة فى ناس كدة .. كل مافتكر الموقف ده .. عرفت ليه الغرب فاكرين اننا لسة بنركب ناقة ...
كنت سمعت د. راغب السرجانى بيتكلم عن نفس الموضوع .. احنا مش كدة ...ربنا يهدى
الموقف التانى ..
كنت فى افطار جماعى ... وكان فى مسافة بين اماكن البنات والرجال .. مسافة كويسة
لاقيت بنات لالا المسافة قريبة .. هى ايه اللى قريبة ؟... مهو ممكن يكون فى فاصل بينك وبينهم 100م وعادى جدا ...لو 6 متر وعندك غض البصر والفهم الصحيح خلاص ... يعنى لو رحتى تاكلى فى مكان وجنبك طاربيزة عليه ناس بياكلو رجال مثلا هتقومى .؟
ليه مبحسش بقوة البنات كدة ... انتى وقرانك ورسولك وسعيك لنهضة امتك ... يا ستى اقعدى وادى ظهرك ليهم .. ذوق يعنى بس مش مشكلة ...بس بلاش بقى حركات ملهاش لازمة ...اعرف بنت من اللى عملت كدة اساسا عندها مليون حاجة واقعة والاولى انها تصلحها ...
ليه معندناش زى سيداتنا سمية بنت خباط ...واسماء بنت ابى بكر ..وامامة بنت ابى العاص...وخديجة بنت خويلد
فى قوتهم .. والتزامهم ..
انتى هتبقى ام .. هتطلعى وتربى زى صلاح الدين ... قظز ...هتربى بنات وشباب محمد ...
ممكن اكون متحاملة شوية ,,, اعذرونى لضيقى الشديد
وغفر الله للجميع

2007/09/17

تخيلوا فات خمسة ايام من رمضان !

اليوم خامس يوم رمضان تخيلوا فات خمس رمضان عايزين نشد ياجماعه الهمه ..ياترى اخبار رمضان ايه معاك حاسس انك قريب
من الله ..حاسس بارتياح فى الدعاء شديت قوى وناوى تجيب كام خاتمه واحده ولا اثنين ولا تلاتة ....تخيل انك فى يوم 30 شعبان
وهاتموت بكره وراح ربنا اعطاك شهر فرصه هاتعمل ايه ..شد الهمه بقى..انتوا متخيلين احنا فى شهر ايه ؟؟؟ابواب الجنه اتفتحت
منذ خمس ايام ...سامعين صوتها ..سامعين صوت الابواب وهى بتتفتح ..شاميين ريحتها ... الجنه يا جماعه..طب هو ربنا بيعمل
معانا ليه كده؟؟؟؟اصله كريم عايز يدخلنا الجنه ..عايز يرجعنا ..عايز يرحمنا بعت لك فرصه حط نفسك عالفرصه قوله انا جاى...
خمس رمضان فات ويصدق قول الله سبحانه اياما معدودات...ايام معدوده وبتعدى انتوا عارفين ياجماعه الواحد بيحس بايه..الواحد
بيحس ان رمضان زى ما يكون بيكلمنا بيقول لنا :انا جاى وهامشى بس هاخد حته من عمرك رضيت ام لم ترضى .اطعت ربنا ولا
عصيته ....وهاجى السنه الجايه وهاخد حته تانيه من عمرك ..وهافضل كده لحد ما ييجى يوم ويخلص فيه عمرك ويقولوا
مات ..وساعتها هابقى انا سبب من اسباب نجاتك او سبب من اسباب بكاؤك..فاستعدوا يا جماعه واجهزوا ...شهر اجابة دعاء ..
ادعوا يا جماعة كتير فرصة ..استجابه الدعاء..ودى احنا محتاجينها قوى..."إن للصائم عندفطره دعوة لا ترد" إ ن النبي صلى الله
عليه وسلم يعدك أنها لن ترد، فلا يمكن إلا أن تُستجاب وتتحقق،ولذلك لما تنظر في نهاية آيات الصيام الثلاثة في سورة البقرة نجد الله
تعالى يقول لنا:{وإذا سألك عبادي عني فإني قريب أجيب دعوة الداعِ إذا دعانِ، فليستجيبوا لي وليؤمنوا بي لعلهم يرشدون} (البقرة
186)اشمعنى دى جت فى اخر ايات الصيام ؟؟؟لان الدعاء له علاقه شديده برمضان فليستجيبوا لي: أي ليصوموا بحق. مبروك
هايستجيب دعاؤك..ربنا هايستجيب...نصيحه حط لنفسك 3 او 4 ادعيه وادعى بيهم فى كل صلاهوكل سجده وكل تراويح نام واصحى
عليهم ..ايه المانع انك السنه دى يكون عندك شعار انك تعبد ربنا كما لم تعبده من قبل ..وكانك شايف كلمه سيدنا زكريا ولم اكن
بدعائك رب شقيا..انا عمرى ما دعيتك ولم تستجيب لى ..، فقد كان الصحابة رضوان الله عليهم، يجهزون لرمضان دعوات مخصوصة
يلحون عليها إلحاحاً شديداً، فلا يأتي رمضان التالي إلا وقد استجيبت دعواتهم. ورسول الله صلى الله عليه وسلم يقول لنا أن دعوة
الصائم عند فطره لا تُرد، فالمسألة محسومة، والموضوع منتهٍ. انظروا إلى كرم الله تعالى، وإكرامه لأمة حبيبه محمد صلى الله عليه
وسلم.فأحيوا هممكم، وأيقظوا إخوانكم، حتى تستيقظ الأمة بأكملها، فلن نكون أنانيين، يقول كل منا نفسي نفسي، بل نريد أن تحيا الأمة
بأكملها معنا.

2007/09/11

بلوجتى



سلام عليكم .. اولا بعتذر عن الغياب .. عارفة انها فترة ليست بقصيرة بس انا جيت اهو الحمد لله


سبب انقطاعى عن التدوين .. مرض خالتى واجراها عملية خطيرة وبعدها مرض جدتى واصابتها بجلطة فى المخ وسببتلها شلل ..


وبعد امى عنى فى الظروف دى .. وبعدين عودتها بالسلامة وصدمتها بالحاجات الكتيرة دى


بس الحمد لله دلوقتى الامور مستقرة الى حد ما
نساْلكم الدعاء


نحمد ربنا :)



فى الاوقات اللى كنت بدخل فيها نت كنت مصابة بملل فظيع من كل المدونات واولها مدونتى ..ماعرفش ليه ..


وفى الوقت ده فكرت كتير جدا فى هدف المدونة وفى كلامى فيها واللى بتوصله .. والحمد لله وصلت لحاجات كتير كنت غافلة عنها :)




النهاردة كانت خطوبة اختى .. بجد انا فرحانة اوى ..هى مش اختى وبس هى اختى وصاحبتى وحاجات كتير :)

هى ايوة اختى الوحيدة .. بس دايما مش بنحس ان فى حاجة نقصانا ..انا وهى وماما اصحاب جدا..انا مبسوطة جدا

ربنا يباركلها يارب هى وخطيبها ويتمملهم على خير :)







رمضان قرب اهو .. كل سنة وانتم طائعيين :)


عندى طاقة كبيرة جدا لرمضان .. بحاول استعد ليه على اد مااقدر .. وان شاء الله لن يسبقنى الى الله احد فى رمضان


حاجة كدة مسببالى حالة خوف.. حالات الوفاة قبل رمضان كتيرة جدا .. انا وصلت لدرجة انى بخاف انام تقبض روحى


يارب بلغنا رمضان .. اتنين جيرانى توفوا .. الى جانب جيران جدتى كانت عمارة كاملة فى مرسى مطروح وهم راجعيين اتقلب بيهم الاتوبيس .. وكمان حالة وفاة اخونا علاء جبة .. كل ده ماْثر عليا بشكل كبير ...مش مستعدة للقاء ربنا خالص :(


ربنا يبلغنا رمضان .. ويجعلنا من عتقاء النار...




جميل انك تلاقى حد قلبه ابيض .. ترتاح للكلام معاه وتثق فيه ..وتاخدوا ايد بعض ..يتمنالك الخير بجد.. يساعدك على طاعة ربنا

ـــــــــــــــــــــــــــــــــــــــــــــــــــــــــــــــــــــــــــ


2007/08/04

فى العالم .. المصريين الاكثر سخطا على الحكومة

أظهر استطلاعٌ للرأي أجرته مؤسسةٌ أمريكيةٌ بارزة في 47 دولة في العالم أنَّ المصريين هم أكثر شعوب العالم المستطلع آراؤها سخطًا على حكومتهم، كما أفصح الاستطلاع عن نتائج مثيرة، منها أنَّ أكثر شعوب الأرض اطمئنانًا للولايات المتحدة وعدم الخوف منها هم الصهاينة على عكس معظم مناطق العالم

.وقال الاستطلاع المطوَّل الذي أجرته مؤسسة بيو بول الأمريكية الشهيرة- والذي أُعلنت نتائجه صباح يوم الأربعاء 25/7/2007م-: إنَّ 13% فقط من الشعب المصري أجاب بالإيجاب على سؤال "هل أنت راضٍ عن حكومتك؟!"، ويشير التقرير إلى أنَّ واحدًا من كل عشرة مصريين فقط هو راضٍ عن الحكومة المصرية، وقالت المؤسسة إنها استطلعت آراء 1000 شخص في مصر للوصول إلى هذه النتيجة.

ولم تجئ دولة في المرتبة الثانية في السخط على الحكومات إلا الكيان الصهيوني الذي قال 23% فقط من مواطنيه إنهم راضون عن حكومتهم، بمعنى أنَّ اثنين فقط من كل عشرة صهاينة راضون عن حكومتهم، وجاء في المرتبة التالية أوكرانيا بنسبة رضا بلغت 31% فقط، ثم كوريا الجنوبية بنسبة 32%.

وكانت أعلى نسبة رضا بين الشعوب في العالم عن حكومتها في العالم هي في ماليزيا؛ إذ قال 92% منهم إنَّهم راضون عن حكومتهم، وجاء رضا الشعب الصيني في المرتبة الثانية بنسبة 89%، ثم بنجلاديش بنسبة 87%، ثم تنزانيا بنسبة 86%.

أمَّا عن باقي الشعوب العربية التي تم استطلاعها فجاءت نسبة رضا الشعب الكويتي في المقدمة على الدول العربية المستطلعة؛ إذ قال 79% من الكويت إنَّهم راضون عن حكومتهم، ثم لبنان بنسبة 61%، ثم 52% في فلسطين، ثم 47% في المغرب، ثم 45% في الأردن، ثم 23% في الكيان الصهيوني، وأخيرًا 13% في مصر، هذا ولم يتم الاستطلاع في باقي دول المنطقة.

ورغم النسبة الأسوأ لمصر من ناحية الحكومة، إلا أنَّ مصر كانت ثاني أعلى دولة قال فيها السكان إنَّهم يشعرون بالأمان، وإنَّهم لا يخافون من السير ليلاً بمفردهم في أماكن مظلمةٍ قريبةٍ من مساكنهم؛ إذ جاءت مصر بنسبة خوف 16% فقط بعد فلسطين التي شعر 8% منهم بالخوف فقط؛ لتكون فلسطين أكبر شعوب العالم شعورًا بالأمن الجنائي، تليها مصر.

ومن الحقائق المثيرة التي وجدها استطلاع الرأي هي أن الكويت هي الدولة الثانية في العالم بعد الكيان الصهيوني قلقًا من إيران.

وكان الكويتيون والفلسطينيون ثم المصريون- بنفس هذا الترتيب- الأكثر تشاؤمًا في المنطقة العربية بشأن مستقبل أولادهم؛ إذ قال 44% من الفلسطينيين إنَّ مستقبل أبنائهم سيكون أسوأ، في حين قال نفس الشيء النسبة ذاتها في الكويت لتشترك الكويت وفلسطين في المركز الأول في العالم العربي في القلق على مستقبل الأولاد، وجاءت مصر في المرتبة الثانية؛ إذ قال 43% من المصريين إنَّ مستقبل أبنائهم سيكون أسوأ، وجاء اللبنانيون في المركز الثالث بنسبة 35%، ثم الكيان الصهيوني بنسبة 28%، ثم الأردن بنسبة 27%، وجاء المغاربة كأفضل مجتمع في المنطقة تفاؤلاً؛ إذ توقع 13% فقط منهم مستقبلاً أسوأ لأولادهم.

أما عن الناحية المالية فقد كان الكويتيون الأكثر رضًا في المنطقة العربية عن مستوى دخل الأسرة؛ إذ قال 85% منهم إنَّ دخولهم جيدة، في حين اقتسمت مصر والأردن مؤخرة الدول جميعًا بنسبة رضا عن دخل الأسرة هي 23% فقط لكليهما.

وفي سؤال عن نسبة الرشوة في البلاد جاءت لبنان الأسوأ؛ إذ قال 26% منهم إنَّهم يضطرون دائمًا إلى رشوة المسئولين الحكوميين، وجاءت الرشوة في مصر في المرتبة الثانية بنسبة 20%، والمغرب بنسبة 16%، والأردن والكويت بنسبة 10% فقط، وفلسطين الأقل رشوةً بنسبة 9%، غير أن مصر كانت نسبتها الأعلى بمقدار 30% في الرَّدِّ على سؤال هل تضطر للرشوة في "بعض الأحيان"؟ فقال 30% نعم، في حين قال 28% من لبنان بنعم، ثم 20% بنعم في المغرب.

هذا فيما تفوقت الدول الإسلامية تفوقًا ساحقًا في مقدار رضا شعوبها عن قادة الدين؛ فسجَّل الاستطلاع أكبر نسب الرضا عن القادة الدينيِّين في الدول الإسلامية؛ إذ كانت نسبة الرضا عنها هي 95% في إندونيسيا، و92% في السنغال، و90% في غانا، و88% في نيجيريا، و84% في ماليزيا

.وكانت نسبة الرضا عن علماء الدين والقادة الدينيين في المنطقة العربية الأعلى في مصر؛ إذ بلغت النسبة 77% من المصريين الراضين عن علماء الدين؛ و69% في الأردن، ثم 66% في الكويت، و64% في لبنان، و56% في فلسطين، في حين كان 46% من الصهاينة راضين عن قيادتهم الدينية، وحلَّت المغرب في المرتبة الأخيرة بنسبة رضا هي 43% فقط.

وقد وجد الاستطلاع أنَّ صورة أمريكا في العالم قد انخفضت بنسبة كبيرة عن مستوياتها المنخفضة أصلاً تقريبًا في كل مناطق العالم ما عدا الكيان الصهيوني وفي المناطق الفقيرة من إفريقيا، كما زادت في المقابل نسبة مَن يعتقدون أنَّ إيران هي خطرٌ على أوروبا وعلى أمريكا في هذه المناطق.

كما حمل الاستطلاع مفاجأةً؛ إذ قال الفلسطينيون إنَّ الكيان الصهيوني يمثل تهديدًا لهم بنسبة 60% فقط، في حين كان نسبة القلق من الكيان في أكبر مستوياته في مصر؛ إذ قال 86% من المصريين و81% من الأردنيين و74% من اللبنانيين إنَّ الكيان "يمثل تهديدًا جادًّا في المستقبل"، في حين لم يقُل الكويتيون إنَّ الكيان الصهيوني يمثل أي تهديدٍ أساسيٍّ على الإطلاق؛ إذ رأى أغلبية منهم أنَّ التهديد الرئيسي هو من إيران، ثم من العراق، ثم من الولايات المتحدة.

دى كانت النسب .. اتمنى انهم يعملو دراسة عن الاسباب كمان .. علشان النسب لوحدها مش كفاية ...
وبعديها اقتراح حلول ... لان النسب دى وراها حاجات كتير...

2007/07/23

بالحجاب انتى اغلى

ما يجرى الان فى الشوارع يجعلنى فى حالة حزن..هل اصبح الحجاب مجرد قطعة قماش اضعها على راْسى .. وارتدى ما اشاء ..
(عاوزين ايه تانى مانا محجبة اهو )

محجبة ؟! اى حجاب هذا ؟!! هل هذا هو حجابنا ؟!

هذا ليس حجاب

من ترتدى بنتاكور (بنطلون قصير ) وبدى ضيق للغاية يصف الجسد تماما وتغطى شعرها ..وبعضهن تظهر جزء من الشعر موضة بقى !!

ويستفزنى كثيرا فى فصل الشتاء من ترتدى جيب قصيرة وبوت وتظهر جزء من ساقها وبدى وتغطى شعرها !!

ونتساْل فيما بعد .. هو ليه الشباب كدة ؟ هو ايه سبب المعاكسات ... اكيد انتى جزء من اللى بيحصل ده ...لست التمس العذر الكامل للشباب.. والقى باللوم فقط على البنات فى هذه النقطة ... ولكن انتى الجزء الاكبر مما يحدث ..هو لو مش محترم وشافك محترمة اكيد هيستحى .. الا ما قل منهم ... لا يستحى من اى شىء ... ربنا يهدينا جميعا ...

وما يحث فى المصايف .. يالله.. عندما تذهب الى مصيف ما .. تخلع حجابها يوم وصولها المصيف وترتديه فى يوم عودتها .. لا اعلم لماذا .. وما هو السر فى ذلك..


الا تعلم ان رب المصيف هو رب بيتها .. هو رب جامعتها .. هو رب العرش العظيم ....واستوقفنى هنا سؤال .. اين الاهل من هذا وذاك ؟

ربما غفلوا عن تعليم بناتهن معنى العفة .. معنى ان الاسلام بيخليكى غالية ...

فى مرسى مطروح العام الماضى .. واثناء نزهتنا انا وعائلتى .. شاهدنا مشاجرة بين رجل وزوجته ...

الزوجة .. البنت لسة صغيرة ..

الزوج.. ماشى لسة صغيرة بس مش لدرجة مايوه على الاقل شورت وبدى

الزوجة ..سيبها تعيش حياتها

الزوج.. .لا انا مش هسمح انى بنتى تلبس ده دى حتى مش عاملة حساب للحجاب اللى لابساه


اندهشت.. حجاب .. مايوه.. شورت وبدى ... وجدت دموع بعينى .. وحتى الان لا اعلم ما هى نقطى الاختلاف ... مايوه من بدى وشورت .. الفرق مش كبير

كيف يفكر الاهل ؟.. باى منطق .. البنت صغيرة؟.. البنت كبرت ولسة متزوجتش ...فنشيل حجابنا ونرتدى المايوه !!!

اللهم لا حول ولا قوة الا بالله ...

صدمت ايضا باحدى الفتيات التى تقول ان الحجاب ليس بفرض وانا هو سنة !!! الناس شكلها ماشية على مذهب الشيخ فاروق حسنى !!!

وفى احدى البرامج كانت تستضيف لاعب كورة .. كنت بجانب اخى ولا احب الكورة لذا لا اتذكر من هو هذا اللاعب وكان يتحدث عن موصفات فتاة احلامه ..

وقال تكون متدينة ... قال له المذيع .. تكون محجبة يعنى ... قال له لا طبعا الحجاب حرية شخصية .. مش ده اللى اقصده !!

الحجاب حرية شخصية !!! مين اللى افتى حضرته بهذا؟! هى الناس دى فاهمة الاسلام بجد.. الحجاب اللى بيغلى البنت ويخافظ عليها وفرض .. بقى حرية شخصية ؟!

بقينا نتهاون فيه للدرجة دى ؟! نخلعه وقت مانحب .. نلبسه على حاجة قصيرة... نلبسه فى الشتاء بس .. وفى الصيف لا علشان الجو حر !!!

اليوم فى كورس الانجلش ... بنت بتقول ان فى اشعة فوق بنفسيجية .. وانها بتسبب سرطان جلد .. وقالت بعض النصايح من ضمنها ارتداء كاب ..

ولكنها ترى ان الكاب لا يليق عليها لذلك فانها تفكر ان تترتدى قطعة قماش على شعرها حتى نهاية الشهر !!!

هى اصبح حجابنا شىء ثانوى ...

فى جامعة القاهرة كانت هناك حملة .. (ملكة جمال الحجاب )...

والتى كان من اهدافها تشجيع الفتيات على ارتداء الحجاب ... هى الفكرة نفسها يعنى كويسة ... ولكن اخذ عليها بعض اللوحات المعلقة ...

من رسومات لبنات غير محجبات.. او محجبات حجاب غير شرعى لا اتذكر جيدا ... ومكتوب عليها فى نار جهنم....ارها احدى طرق ترهيب وليست ترغيب وان كان يرى البعض ان هناك من تناسبه طريقة الترهيب

وعلى اى حال... جزاهم الله خيرا على تلك الحملة ...

فكرة

...اريد مستقبليا ان شاء الله .. ان اقوم بفتح اتيليه ملابس محجبات... واصمم ازياء تناسب المحجبات مع حجاب شرعى بسعر مناسب .. وان تتم الدعاية له بشكل فيه ترغيب لغير المحجبة ليس حبا فى هذا العمل .. ولكننى لا ارى ذلك فاريد ان افعله...
بان ترتدى الحجاب .. لترتدى البنت تلك الملابس الشرعية ذات الالوان الجميلة والحجاب الشرعى ... ان شاء الله
او حد ياخد الفكرة ويقوم بتنفذها يبقى جزاه الله خيرا :D


....الشغل والحجاب

... فى بلدى .. مصر .. هناك العديد من الوظائف التى تشترط عدم ارتداء الحجاب ... احدى صديقاتى ماشاء الله من اؤائل دفعتها .. ذهبت لانترفيو احدى الشركات .. ولم تدخل الانترفيو لماذا ؟

راتها السكريترة من ضمن المنتظرين وحدثتها على ان ما ترتديه لا يصلح لهذا العمل ... قالت لها صديقتى انهم اتصلوا بها وحددولها معاد
ردت عليها السكرتيرة .. ايوا فعلا بس انا مكنتش اعرف انك كدا !!!

من يرتدى الحجاب الشرعى الان اصبح يقال له انك كدة !! وكانها راْت بها اعاقة اعوذ بالله
.كنت كتبت فى احدى تدويناتى لا تجبر الانسان ولا تخيره ايضا عن احدى زميلاتى التى خلعت الحجاب لشغل وظيفة ما )

وسبحان الله خلعت حجابها للتشغل هذه الوظيفة لمدة 3 شهور فقط .. وحدثت مشكلة كبيرة فى العمل وحولت الى التحقيق..

وفى نفس التدوينة السابقة تحدثت عن بنت اجبرها والدها على خلع النقاب


حجابى .. غيرنى كثير..

وقفت وقفة صريحة مع نفسى وخيرت نفسى ما بين نعيم ومتعة الدنيا ام نعيم ومتعة الاخرة فاختارت الثانية

والحمد لله التزم بالحجاب الشرعى ... وصدقا الحجاب يغير فى النفوس اشياء عدة

فاستحى ان افعل شىء ...حجابى جزء منى

اللهم اجعلنى خيرا مما يظنون واغفربى ما لا يعلمون

وقفة مع النفس
ادعو جميع القوارير.. الى وقفة مع النفس.. وفهم ان الحجاب ليس بشىء ثانوى ولا هو بموضة تنتهى بعد فترة ما ..

ليس الحجاب منديل تضعيه على راْسك.. وترتدين ما تشاء وتغضيى ربك

صدقا بالحجاب الشرعى انتى احلى .. الحجاب مش بهدلة .. الحجاب هندمة وفن ..

حجاب وملابس ترضى ربك..

انتى حجابك...بالحجاب انتى اغلى .. ربنا مخليكى غالية.. انتى غالية ..

مترخصيش نفسك ...خليكى فاكرة .. انتى غالية .. وهتفضلى غالية بحجابك ..
بحجابك وملابسك اللى ترضى ربنا .. مع خلقيات جميلة سامحة ..
ارضى ربك .. بالحجاب انتى اغلى ,,,

... ادعوكم لقراءة

2007/07/20

هل يتحقق الحلم يوما ؟

بين الحلم و الواقع.. هل يتحقق الحلم يوما..؟؟!!!

طالما حلمنا و طالما كانت آمالنا كبيرة وطالما دخل الفرح لقلبنا و عند كل محطة كنا نعقد الأمل و الرجاء و نبني توقعات كنا نحسها قريبة

..افكر الان هل هناك ما يسمى احلام واقعية واحلام خيالية ولكننى اعود لادرك انها احلام ولا اعتقد ان لها تصنيف..


ما اجمل ان نحلم ويرتبط حلمنا بامل .. واصرار على تحقيق الحلم .. وتحدى الظروف والعواقب.. واللجوء الى الله دائما لتحيق هذا الحلم..

ولكن كثيرا ما نصطدم بواقع مرير بعد حلم جميل ..لا نعلم لماذا لا يتحقق حلمنا .. ونعود لنقول قدر الله وماشاء فعل وتجد من يقولون
لك انه كان مجرد حلم...فتعود لتفكر هل من الافضل ان لا تحلم ؟


فلا تجد اجابة من نفسك سوى خيبة امل فى عدم تحقيق حلمك.. وتسمع من حولك يقولون لك لعله خير .. وانت تدرك انه اكيد ان شاء
الله هذا هو الاصلح لك..

كثيرا .. بل دوما نهرب من اوقاتنا العصيبه ومن ايامنا المريره و من اصدقاء ليس كما كانوا لنا عونا و لم يعودوا كسالف عهدنا.. يفهموننا و يقدروننا .. و نهرب من انفسنا الى الدنيا مره و الى الاخره اخرى و نهرب الى التفكر فى آيات الله تاره و تاره اخرى فيما وصلنا

اليه..اليس كدلك..؟

و لكن لو تنظرون نجد انفسنا ندوما غارقون بالخيال .. سارحون فى الافكار..تتلاقنا الامال .. و تأخدنا الاحلام و نود لو تتحقق جميعها و نأبى مجرد التفكير فى انها يوما تكون مجرد حلم.. لم نستطع تحقيقه يوما..ااه والف اه على مثل هدا الاحساس يجعلنا نصاب بالخيبه و الالم

العميق و يورثنا الهموم التى تفتح بعدها مالا عدد و لا حصر من مثيلاتها...و لكن الموضوع هو انى اريد اجابه لسؤال...هل نستطيع يوما ان

نحول احلامنا و امالنا الى واقع ام تظل دوما احلام ملك لنا بعيدا بعيدا .. بعد السماء عن الارض .. عن تحقيقه و تحويله الى واقع...؟


وهل اذا فشلت فى تحقيق حلمك ستفكر فى ان لا تحلم مرة اخر!!!! .. و ان لا تسعى لتحقيق حلمك ؟!
ام ان حلمك شىء ليس بيدك ؟ فلك ان تحلم وتسعى وتنتظر النتيجة ايا كانت ؟