بعد مشاهدتى لبرنامج العاشرة مساء ..حلقة الاستاذ نجيب ساويرس ..زاد تعجبى ...كلما اشاهده فى اى لقاء لابد ان اسمع منه كلمة اخوان ...على الرغم اننى اعلم انه مسيحى علمانى .. يتكلم بهذه الصورة التى لازالت هجومية ..وتحدث عن انهم يسعون الى الوصول للحكم..وهنا استوقفنى ما يحدث لهم قبيل انتخابات مجلس الشورى بايام قليلة..
قفز عدد معتقلي الإخوان المسلمين، قبل أربعة أيام من انتخابات مجلس الشورى، إلى 668 شخصاً بينهم مرشحها في
الفيوم عثمان دياب، وهو سادس مرشح لها يتم اعتقاله، علماً أنها تخوض انتخابات الإثنين بـ19 مرشحاً.
تفتكروا ايه انسب تعليق؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
75 comments:
انسب تعليق هو
لا تعليق
الاخوان هيقعدو يقولو مش بندور على حكم
واللى فى دماغه انهم بيدور على الحكم هيفضل فى دماغهم كدا
وبصراحه بقت خنقه اوى
وموضوع قديييييييم انه يفضل يتكلم تانى فيه دلوقتى
انسب تعليق هو
السعي للحكم له ناسه
الحقيقه أن أنسب تعليق هو
لا تعليق
ولكن ليس كما قال الاخ في اول التعليقات لاننا لسنا في حاجه بأن نضيع وقتنا وان نرضخ ونخضع لكل من يهمس بكلمة اخوان بل ورائنا ما هو اعظم من ذلك نحن أصحاب دعوه ...أصحاب رساله... أصحاب مبدأ ولسنا مجرد مؤسسة أو جماعه ترى بعين ساهره نقديه كل من يتحدث عنها
لسنا نملك من الوقت للرد على كل هؤلاء فليتحدث من يتحدث نحن نعلم جيدا ماذا نفعل.. وان وقفنا عند كل لسان متحدث وحبر مسطور اذا فنحن وقعنا في الفخ والمؤمن كيس فطن
والحاره سد
انا بقي ليا تعليق مختلف
طبعا غير الكلام عن الاخوان وغيره
حد فيكوا خد باله وهو بيتكلم
انه ضد المادة التانية من الدستور
والبيه بيطالب انهم يلغوها
مش بعيد لما بعد الكلمتين بتوعوه
زاد عدد معتقلين الاخوان
انهم بعد كلمتين تاني يلغوا الدستور كله مش المادة التانية بس
حسبي الله ونعم الوكيل
في كل واحد بيهدم في الاسلام
وصية ليكوا يااخواننا
دينك دينك
لحمك
دمك
ولا كل الاخوان ملايكه ولا كلهم شياطين
حددوا مين اللى عايز يوصل بالظبط ؟؟؟
اللى فعلا عايزين يشتغلوا ويبنوا وينهضوا بالامه ...؟ ولا اللى عايزين الحكم لاجل الحكم ولاجل انهم فاكرين انهم الانسب للحكم
بصراحه انا شايفه ان الاخوان زيهم زى غير الاخوان زى ما لازم يتساووا فى الخير فلازم يتساوا فى الشر مينفعش نعد ندافع عنهم وكانهم انبياء الله وهم اللى هيريحونا من الفساد ولا ينفع نهاجمهم زى ما يكونوا كلهم اعداء
انسب تعليق؟ .... ربنا ينجينا من الكلام ويهدينا للعمل
و لماذا التعجب !؟
ماذا نتوقع غير ذلك !؟
و الله اننا في نعمة نسأل الله أن يحفظها علينا و أن يستخدمنا لدينه سبحانه و تعالى
ضحكاية
المشكلة انه علمانى يعنى مبيتكلمش فى دينه
كل كلامه لازم كلمة اخوان
عصفور المدينة
ناْمل فى التغيير
اعتقد اننا منقدرش فعلا تمسك لسان حد
ولكم ان تتركوا الرد
ولكن ماذا بعد؟
عمرو المصرى
الله المستعان
سمعته اكتر من مرة فى كلامه عن تعديل المادة التانية
يلغوها ميلغوهاش ليه
حسبنا الله ونعم الوكيل
truth
اكيد الاخوان فيهم الكويس واللى مش كويس كاشخاص لانهم زى مانت قولت زيهم زى اى حد
وبما انهم زيهم زى اى حد ليه مش من حقهم حاجات كتير ..طيب بفرض ان فى منهم عاوز يوصل للحكم لمجرد الوصول ...هل الاخوانى الاخر اللى عنده رغبة فى التغييير هيكون من حقه انه يغير؟
فضفضة
اللهم امين
:)
شكرا على الزيارة
أتمنى تشريفي بزيارة المدونة الرئيسية
http://ctybrd.blogspot.com
حاضر
ان شاء الله
انا صدقت انهم مسكوا الحكم بجد
قلت ايه ده الخبر اتنشر عندك قبل الجزيرة :)
طب ياريت يا عم موبينيل الإخوان يمسكوا ..
ولا تهنوا ولا تحزنوا وانتم الاعلون ان كنتم مؤمنين
الاخوان عايزن الحكم
لو افترضنا ان دا صحيح
طيب وفيها ايه
هما مش جزئ من الشعب وليهم حق الترشيح والانتخاب
والشعب يختار ونشوف الأغلابية هتختار مين
لو الشعب اختارهم يبقي يمسكوه
لو اختار حد تاني يبقي التاني اللي يمسك
مش مهم مين عايز ايه
المهم الشعب عايز ايه
صحيح حلو النيو لوك
ياسرسليم
ههههههههههه
ربنا يعزك ياافندم
عم موبينيل :D
محمد عبد الجليل
الله المستعان
محمد
ومين يسمع الكلام ده..
المشكلة انهم مبيدوش حرية للترشيح ..وده ان دل على شىء يدل على حريتنا المقيدة
فعلا المهم الشعب عايز ايه
كويس ان النيو لوك عاجبكم:D
ربنا يعزك
لأ هما هيبقوا الاغلبيه ويمسكوا الحكم ,,,, حكم زنازين طره !!
شر البليه ما يضحك
تحياتي
اه فعلا الاخوان عايزين الحكم
ياجماعة احنا مش بنهرب
انتوا نسيتوا استاذية العالم ولا ايه
المهم دلوقتي هي تطمين الشعب ان احنا
نقدر نقود وعندنا كفاءات تقدر تغير
الوضع القائم
Hello, Aribian Girl!
Have a good weekend
كل واحد بيحافظ على مصالحه
مايفعله النظام مع الإخوان في انتخابات الشورى فضحته أمام العالم
وخلي نجيب ابو قلب مرهف ورقيق
يبكي على موظف اتخطف ورجع
ويقف بعين تملؤها الحجارة أمام قتل وسجن وخطف وتعذيب لكل الشعب قدام عينه
بجد مش دي مفارقة غريبة
عجبني تعليق منى الشاذلي لما قالتله
آخر شئ أتوقعه أنك تبكي
لا تعليق
انا قريت بعض التعليقات وبقول والله السعى وراء الحكم بما انزل الله لو حد شايفه جريمة او سبة يبقى اكيد فى دينه وعقله حاجة للاسف كتير من الناس بيناساقوا وراء كلام الاعلام بتهمة الاخوان بالسعى للحكم ولا كان الحكم ده شئ وحش مينفعش غير للوحشين حاجة عجيبة والله شكرا اختنا على طرح الموضوع هذا
ابن ناصر
الايام الجاية
اسلام صديق
الوضع قائم فعلا
...بس ولو افترضنا جدلا انهم عايزين الحكم ..هل ده مقصدهم بس
اعتقد الاصلاح مقصدهم وليست السلطة فقط
david
اهلا بحضرتك..
بحس ان الاسبوع كله ويك ايند :D
mohamed
والمصلحة فين ؟
احمد السباعى
تدين..العالم كله ممكن يقول ندين بس وبعدين
اعتقد ان نجيب ساويرس برده من اللى بيدينوا
بس ماعرفش ليه مبيتكلمش عن دينه هو ..ولما كلمته قالها لا انا علمانى
طيب طالما بتفصل كدة متتكلمش عن حد
مشروع بطل
ربنا يكرمك
امام الجيل
كلامك تمام
وكمان ليه بيسعول لكدة ..اكيد للتغير وتطبيقة الشريعة الاسلامية
الله المستعان
العدد اصبح اكثر بكثير
وكلبهم فى الشوارع تسير
حسبنا الله ونعم الوكيل
انا اسف ان اول زياره تكون كدى
بس مدونت رائع
تحياتى
اكيد لو مطلعش من نجيب سويرس هذا الكلام هيطلع من مين
هو واحد موالى للحزب الحاكم .. وواحد اعمله وتجارته تعدت المليارات وخايف عليها
حضرتك مش عايزة يطلع منه الكلام ده
هي اصلا بقيت اغنيه الكل بيغنيها .. الاخوان هيمسكو الحكم .. مش عارفه والله ليه بيقولو كده .. يمكن علشان يدعمو الثقافه الفاسده اللي عند الناس .. اللي بيعتقدو أن لو الاخوان مسكو الحكم البلد هتخرب .. و .. و
طيب علي الاقل يكون فيه انتخابات نزيهه .. ونجرب الناس ديه .. وكمان يعني هي ممكن تخرب أكتر ما هي خربانه ؟؟
مصراوى اوى اوى
الله المستعان
محمد العنانى
اهلا بحضرتك :)
وان شاء الله تشرف مدونتى المتواضعة تانى
حسبنا الله ونعم الوكيل فعلا
بقوا كام دلوقتى ؟
بن توفيق
لا هو من حقه يقول رايه براحته بس طالما مبيتكلمش فى دينه ولما سالته قالها مبتدخلش فى حاجة انا علمانى
يبقى ملهوش دعوة لا باخوان ولا بغيره
هو ماله هو ..
ناقص يقول نخلى البلد مسيحية !!
كليو
فعلا بقت اغنية بس اغنية سخيفة
ورتم واحد
الله المستعان
انا اتفق مع محمد
ما المشكلة فى سعى الاخوان للحكم ؟
بس فى فرق بين من يريد السلطة كوسيلة
و من يريدها كغاية
هى المشكلة فينا احنا الاخوان
النقطة دى بالذات عندنا ضبابيه غير محدوها فيها
شوية نتكلم عن حكم مصر ووو
وشوية
لا احنا مابنسعاش للحكم
وكان السعى للجكم حرام ولا كبيرة من الكبائر
هى مش مرحلة الحكومة المسلمة اصلا بعد مرحلة المجتمع المسلم اللى المفترض ان احنا فيه الان
طيب ليه مانكنش واضحين ونقول ان
الان نحن لانسعى للحكم لاننا لانا برنامجنا القائم على التدرج ونحن الان فى مرحلة بناء مجتمع مسلم قوى قائم على اخلاق الاسلام ومبادئ الشريعة ولكننا فى المرحلة القادمة سنسعى للحكم
ايه العيب فى كده
مش بدل ما نوصف بالضبابية وعدم وضوح الرؤية
تعليق ايه بس..مفيش غير ربنا يلطف بعباده...
يا جماعة احنا في 2007 و لسه بنحظر حرية الرأي و بنهاجم الرأي الآخر لاسباب نفسية مش بالحجة المقنعة...ياريته بيطبق في حواره مبدأالعلمانية..مادام سمح له بادلاء رايه لازم يتم السماح للاخوان كمان
مهى مصر كلها بتجيب وتتكلم عن الاخوان
هتفرق يعنى
مش جديد
لا حول ولا قوة الا بالله بجد
انا لسة قارية بوست برضه عن الحوار ده
وسمعت قصص كدة
والله حتى قلبي بقى بتقبض كدة بس تعابير وشي طبيعية
اصل زي ما علقت وقلت
مش جديد
اكتر تعليق عجبني جملة فلونا!
مش جديد
:)
عادي ده الي بيحصل
و هيفضل يحصل
المهم ربنا يصلح قلوب الجميع و يهديهم ليه...
و تبقى فعلاً وسيلة مش غاية يسعى إليها اي شخص اياً كان انتمائه ايه
خطاب
اتفق معاك تماما
بس يدوى الفرصة للتجربة حتى !
اخوانى مخربش
اولا اهلا بحضرتك
ثانيا كلامك واضح جدا
بس لو انت بتقول ان كل حد بيطلع يقول كلام ..طيب يا ترى تبقى المشكلة منهم ؟
يعنى مفيش كلام موحد؟
نقطة مية
ربنا يكرمك
سفاح
اعتقد ان المفروض يكون عندى وجهة نظر اوضحها
اصل انا مش سلبية
فلونا
مش جديد فعلا
ربنا يهدى
المجاهدة
تمام جدا بس هنفضل نقول مش جديد
اهم حاجة الدعاء
أنا حسيت إنه الراجل عقلاني إلى حد كبير ، و عنده حق في تخوفاته ، و عنده حق في اعتراضه على شعار الإسلام هو الحل
و أي حد يحط نفسه مكانه
راجل مسيحي ، إزاي يرضى بكلام زي الإسلام هو الحل ؟؟
لأن ده من وجهة نظره فعلاً مجهول و صعب و يمكن مخيف
لكن أحياناً بيناقض نفسه زي ما قال إن الإسلام دين يحب العدل و مدحه في الإسلام كدين
لكن برضه حسيت إنه متجني على الإخوان في بعض كلامه ، مثل كلامه عن الجزية و ما شابه من أمور أوضحها الإخوان
أما عن موضوع إن الإخوان يسعون إلى الحكم ،ده شيئ صحيح لأن الحكم أصبح وسيلة حتمية للإصلاح ، صحيح إحنا مش عايزين نوصله دلوقتي و بنقول إنه مش وقته ، لكن هي وسيلة حتمية و ليست غاية في حد ذاتها ، فضلاً عن أن السعي للحكم ليس عيباً و لا حرام و من حقنا أن نسعى إيه
بس خلاص
المدونة بدأت يا فندم في موعدها و في انتظار تشريفكم لها بالزيارة
http://baddan-fee-malta.blogspot.com
بادّن في مالطة
جزاكم الله خيراً
السلام عليكم ورحمة الله وبركاته
والله طرح للموضوع جميل لكني سارد على نقطة حضرتك اثرتيها في احد ردودك
انه يتكلم على الاخوان ده شئ عادي لانه نجيب ساويرس صاحب المليارات وصاحب المصالح المعلنة والغير معلنة
دي نقطة
النقطة التانية ان عائلة ساوريس من اكبر داعمي التبشير في العالم الاسلامي
ثالثا
انا لن اتحدث انه تحدث عن الاخوان لكن ساتحدث انه بيطالب بحذف المادة التانية من الدستور .... اللي بساله هي تاعباه في ايه ضراه في ايه يعيش في بلده افضل عيشة وانا بقول بلده لانه مصري ولا احد يتعرض له فلماذا هذا الحقد على الاسلام اذا كان عالماني زي ما بيقول وعايز الديموقراطية
قالوا يا فرعون مين فرعنك قال ملقيتش حد يحوشني
منافقون
حسبنا الله ونعم الوكيل
ده انسب تعليق
أقول لساويرس
ان كنت لاتدري فتلك مصيبة
وان كنت تدري فالمصيبة أعظم
اذا ماكانش سويرس يقول كده امال مين اللى يقول كده ؟
معلش ممكن اسال حضرتك سؤال وارجو الرد علي
هو حضرتك من الاخوان ؟؟
أنسب تعليق هو أنها دعوة مهما كان ومهما حدث فالاخوان يخضون الانتخابات بغرض الدعوة ورفع كلمة لا اله الا الله والاتصال بالناس
وفقهم الله وكتب ذلك في ميزان حسناتهم
انسب تعليق اننا نقول انه يسير دوما فى كنف الحاكم "
طالما الامر لا يتعلق بشئ خاص " به يعنى لو جمال و مبارك او الشريف بينقدوا فى النظام يبقى هو كمان هاينقض فيهم... و لو الموضوع بقى ليه علاقه بعمل قناه مسيحيه او مؤسسه مسيحيه يبقى فين كلام تانى وفى امريكا تالته ...
بالمناسبه اللى هايعمل القناه الدينيه المسيحيه هوهو صاحب جريده " المخبر اليوم " عفوا المصرى اليوم .. ومالك قناه ال otv الاباحيه
مش مقتنع يبقى انتا ما شفتش فيلم الفطيره الامريكيه
بصي
والله انا حسه انه كلام في الهوا
ناس عماله تتكلم علي الفاضي مش اكتر
عمر ما الماده التانيه هتتلغي
وعمرنا ما هنعمل حاجه الشعب كله مش موافق عليها
فيه خطوط حمراء كتير جدا
لا ينبغي تجاوزها باي حال من الاحوال
ربنا يعننينا يارب
تحياتي يا قمر ليكي
من رايي ان انسب تعليق : و لا تحسبن الله غافلا عما يعمل الظالمون انما يؤخرهم ليوم تشخص فيه الابصار
المدونة الوانها جميلة و تصميم البانر الاساسي جميل
هضيف مدونت حضرتك عندي بعد اذن حضرتك
dr cool
تمام ..وجزانا واياكم
محمد عباس
ربنا يكرمك
ـــــــــــــ
علاء
ربنا موجود
ــــــــــــــ
محمد
الله المستعان
ـــــــــــــــــ
سمية
حسبنا الله ونعم الوكيل
hafed
فعلا..ربنا يهدى
ــــــــــــــ
sharm
ربنا يهدى
ـــــــــــــ
لن اضحى ابدا
انا مسلمة
مهندس زراعى
احنا عاوزين حتى نجرب
ــــــــــــــــ
الاسطورة
ربنا يعافينا
ـــــــــــــــــ
جوهينا
الله المستعان
نورتى
ـــــــــــــــ
احمد محمد مرسى
الله المستعان
اتفضل ده شىء يشرفنى
كله بيبرر لنفسه اللى هو عايزه
باربى
ربنا يعزك
منورة يا قمرة
للاسف ان الاخوان عندهم تعصب لنفسهم حتى لما كنا فى مجموعة هكر المواقع كان اصحابى الى من الاخوان بيجيبوا المواقع الى بتشتم فى الاسلام والاخوان حاجا عجيبة - اعتقد ان الراجل ساويرس دا لما يجيب سيرة الاخوان دا مش عيب لانة مصرى وكمان الاخوان جزء من تركيبة مصر المحروسة ومش عشان هو مسيحى يبقى لازم يفرمل عند الكلام على جماعة اسلامية
Post a Comment