2011/06/01

الخير والشر فى ان واحد

كنت اعتقد ان دائما الخير فى مكان والشر فى مكان اخر بعيدا كل البعد عنه,كنت اعتقد أنهما لا يجتمعان أبدا , ولكن ربما لم أكن وحدى من تشعر بهذا ولكن الكثيرون منا يعرفون ان الخير والشر شيئان غير متلازمان…
ولكن ما لاحظته مؤخرا ان الخير والشر يمكن ان يكون متلازمان ,بل وموجودان فى ان واحد!!
كبف ذلك؟
يعنى كل انسان منا بداخله خير وشر معا ولكن ماهو الغالب فيهما نظن انه السائد…
بمعنى لو الخير هو الاكثر نظن ان هذا الانسان كله خبر وليس بداخله اى ذرة شر , وكذلك الحال لو ان انسان ما الشر هو الغالب عنده, نظن ان كله شر وليس بداخله اى ذرة خير ولكن الواقع يقول ان الخير والشر مجتمعان داخل كل انسان وإن اختلفت نسبة وجود كل منهما ,الا انهما موجودان..
مثلا:
ان لو فى انسان شرير وكل اعماله شر فى شر وكل الناس يتقول عليه ان قلبه مفيهوش ذرة خير ,نلاقى ان الانسان دا ممكن ولو للحظة يصعب عليه مشهد طفل يتيم ويبكى مثلا ونجد ان هذا الذى يقولون عليه شريرا يرق قلبه على هذا اليتيم ويحتضنه ولو لثوان او ربما دقائق وتتحرك ذرة الخير التى بداخله
وبالتالى فقد اجتمع بداخله الخير والشر معا..
مثال عكسى:
لو فى انسان كويس والناس كلهم شايفين ان كله خير وطيبة ورقة وكرم,ممكن الانسان دا يتحرك ذرة الشر اللى جواه سواء كانت فى صورة حسد او حقد او غيرة ..
ولان الجانب الخيرى هو السائد عنده فاءنه يعود سريعا الى صوابه ويدرك ان ما فعبه كان خطأ وشرا غير مقصود..
كلنا كذلك
كلنا بداخلنا الخير والشر
ولكن الفروق تتحد بيننا على حسب ما هو الغالب ..الخير ام الشر..
لا تترك الشر الذى بداخلك يغلب على الجانب الخير فيك..
وإذا أخطأت فى حق نفسك أو فى حق الاخرين فلتراجع نفسك سريعا ولاتترك نفسك تغرق فى بحر الشر
كلنا بنغلط ولكن مش كلنا بنعرف غلطنا
مش كلنا بنعترف بغلطنا
مش كلنا بنتعلم من غلطنا
مش كلنا بنراجع نفسنا
ياريت نعالج امراض قلوبنا بانفسنا ونقول ونستغفر خالقنا مما فعلناه من اخطاءنا وشرورنا
ونعرف اننا مش هنتغير بين ليله وضحاها
فلنعطى نفسنا وقتا كى نخرجها من قفص الشر الى جنة الخير

2 comments:

mahmooud said...

حلوة اوى اوى
بجد معبرة واحسن حاجه فيها انها بتقول ان الواحد ميبصش على النص الفاضى بس او النص المليان بص

اللهم اجعلنى خيرا مما يظنون

Rehab Saber said...

ربنا يكرنم يا محموود ..مشجعنى على طول كدة