فى حاجة غريبة انا لاحظتها مع اكتر من واحدة
البنت بتتكلم مع خطيبها بمنتهى الرقة
وتلاقى كل حروفها بتطير
ومفيش ولا حرف ابن ناس كدة زى اللى بنسمعه من اى حد
مش عارفة ليه ؟
كنت بتكلم مع واحدة صاحبتى وكان فى مشكلة كدة فى الشغل
وهى بقى قرفانة وبتزعق جامد
لااااااااااااا
مينفعششششششش
وايه القرف ده
وكلام من هذا القبيل
وفجأة الموبايل بيرن
احم احم .. عن اذنكم
والصوت وطىىىىى
ونزل الهدوء التاااااااام
واول مقفلت
هاا .. اخركم ايه ؟؟
واحدة تانى ... بتتكلم بطريقة غريبة جدا مع خطيبها
مش عارفة طيب ليه ؟؟
قال رقيقة قال
خليكى على طبيعتك
مش لازم تغيرى صوتك وانتىى بتتكلمى معاه
وياااه بقى لما يدخلوا مكان مثلا ياكلوا
لالالاياااااى
مبحبش الاكل ده
هو السندوتش كبير كدة ليه
وهى اصلا عنيها فيه
ده بالنسبة لبعض البنات
واكيد فى رجال كدة برده
الكل بيظهر احسن ما عنده فى فترة الخطوبة
مقولتش تزعقله .. مقولتش تاكل اكله
بس خليكى بطبيعتك
وخليك بطبيعتك
علشان متتصدموش بعد كدة
وبتبقى من اكبر المشاكل
يا خوفى :D
19 comments:
صحيح فعلا من الجميل ان كل واحد يتعامل بحريته خلال فترة الخطوبة
عشان اللى بيمثلوا مش هيعرفوا يمثلوا كتير
وميبقوش يشتكوا بعد الجواز
هما اللى جابوه لنفسهم
هو جميل انها تتصرف بطبيعاتها
بس الاجمل ان طبيعتها تبقى رقيقة
:)
انا عن نفسي بتصرف علي طبيعي جدا
لدرجة اني بحس اني واحد صحبة
هههههههههههه
لا بجد اصل انا هنتصنع الرقة
اكيد اكيد في موقف هيبان
مثلا لو اتعصب او حاجة كدة
لازم هيبان الحقيقة
ومينفعش ابني حياتي علي كدبة
عندك حق
انا عن نفسي علي طبعتي
في كل حاجة في حياتي
بس لسة متخطبتش
بس بحب الانسان اللي يبقي رياكشناتة حقيقة مش مفتعلة ولا مصتنعة
نورتيني ويارب تتكرر الزيارة
سلام
صحيح والله حتى الشباب بيتجملوا ويغيروا من اسلوب كلامهم
ويرسم دور الولد المهذب والمجترم
فعلا والله كلا الطرفين بيصدموا ببعض بعد الزواج
ويقول مش هيا دي اللي حبيتها
والعكس
معاكي حق
هو فعلا البعض يتكلف بصورة مبالغ فيها
والبعض (يفتحها على البحري) ولكن أظن أن الإعتدال أفضل
صراحة البنات دول حاجة غريبة فعلا
تقريبا نصهم مرضى نفسيين
يالا ربنا يكون فى عونا
7AMSAWY
احنا ممكن نبص لها من الناحية الشرعية...
ان المرأة اللي بترقق صوتها في فترة الخطوبة..عن غير المعتاد...فده خضوع بالقول....خاصة وإن الخاطب ده ما زال رجل أجنبي عنها...
إنما لو بنتكلم عن متزوجين أو حتى كاتبين كتابهم...فمن الافضل ان المرأة ترقق صوتها...وتحاول تظهر بالمظهر الجذاب...(مش مهم انها تضحك ع المسكين)...
لكــن المهــم ان تريه من الرقة والاحساس وما شابه...ما سمععنه..أو ربما رآه....
والله الموفق
امام الجيل
كلامك مبظبوط
بس لو طبيعتها مش رقيقة تبقى مشكلة بقى
:D
مروة
ضحكتينى اوى :D
مش لدرجة واحدة صاحبه :D
ليروح يرتبط بصاحبه :D
ربنا يوفقك يا ميرو
ماى موب
.. ربنا بوفق
وفعلا اهم حاجة الطبيعة
واسوء حاجة اصتناع
صيد الخاطر
فعلا التجمل الزائد بيكون من الطرفين
اعرف بنت كانت مخطوبة لواحد
وكان بيتجمل قدامها
والدهخا راحلهم مرة البيا من غير معاد
لاقاه بيتخانق خناقة جامدة مع والده ووالدته
وبيشتم !!
الله المستعان
وضاح ..
فعلا الاعتدال والطبيعة
ربنا يعزك
حمساوى
لالالالالالالا
هى طبيعة نفس
يعنى مش نص البنات مرضى ..
لاننا لو عملناها معادلة هيطلع نص الرجال مرضى برده
هى الفكرة ان البنات او الرجال بيتجملوا بشكل مبالغ فيه فى فترة الخطوبة
وعلى الرغم من كل ده
الطبع يغلب التطبع
شكل حضرتك شايل من البنات
د. خالد
كلام حضرتك مظبوط جدا
ربنا يكرمك
ربنا يستر علينا
ربنا يحمينا منكن
هههههه
شاهد حق
:D
ربنا يحمينا كلنا من التصنع
اغلب البنات بلاقي الموضوع دع فيهم
قصدي فيهن :D
و كمان في شريحة كبيرة من الولاد بتعمل كده
بس عموما
هي مسالة وقت
و كل واحد في الطرفين يبان على حقيقته
ماى
فعلا كله بيبان بعد كدة
وبتبدء مرحلة الواقع المؤلم
وكانهما لسة بيتعرفوا على بعض
كلامك صح بنسبة كبيرة بس مش شايفه انك ظالمة البنات شوية لان الموضوع ده بيحصل مع الولاد برده
يعني الولد برده في الخطوبة بيفضل يسمعها اسطوانات ويقولها في أغاني وأشعار وبعد الجواز بيكسل يقولها مساء الخير
علي العموم موضوعك حلو .. وبالمناسبة انا لسه جديد في عالم المدونات ..أتمني تزوري مدونتي وتقوليلي رايك
Post a Comment